Pagsanjan Beam-Zest-O Run sa May 23

Ipapakita ng tourism town ng Pagsanjan ang athletic side ng kanilang mga residente sa Beam-Zest-O Patakbong Pinoy na nakatakda sa May 23, Linggo sa town plaza.

Malugod na tinanggap ni Municipal Mayor Emilio Ramon Ejercito ang 5-kilometer running event sa bayang ito na madalas puntahan ng mga dayuhan at lokal na bakasyunista na nais makita ang Pagsanjan Falls at makaranas ng ‘shooting the rapids.’

Ang mga interesadong Pagsanjan residents sa karerang ito na sponsored ng Beam Toothpaste at Zest-O Juice Drink at inorganisa ng Media Runners and Sports Promotions, ay maaaring magpalista sa Sanguniang Kabataan Federation na pinangu-ngunahan ni Jay-Ar Aliano.

Ang top-ten sa men’s at women’s division ay may gantimpalang cash prizes at medals.

"The good mayor has shown his love for the sports as an avenue to draw more visitors to the town by welcoming the Beam-Zest-O Patakbong Pinoy," pahayag ni Jonel Promotions head Nelson Macaraig.