SMB nadale ng Coke

Nakatikim na rin sa wakas ng talo ang San Miguel at ito ay mula sa mga kamay ng kanilang kapatid na kompanyang Coca-Cola Tigers na humugot ng 88-85 panalo kagabi sa pagbabalik aksiyon ng PBA Gran Matador Fiesta Conference sa araw ng Easter Sunday sa Araneta Coliseum.

Hindi hinayaan ng Tigers na masayang ang kanilang masusing paghahanda para sa laban na ito at ang kanilang 16 puntos na kalamangan at gamitan ng mahigpit na depensa ang Beermen sa endgame.

Kontrolado ng Tigers ang laro ngunit naupos ang kanilang 16 puntos na bentahe nang maidikit ng Beermen ang iskor sa isang puntos na lamang dahil sa eksplosibong laro ni import Art Long na tumapos ng may 39 puntos at conference high 30 rebounds.

Ito ang kauna-unahang kabiguan ng San Miguel habang ang panalo ay ikatlong sunod naman ng Coke.