Reyes Billiard Player of the Month

Napili ang No. 1 cue artist ng bansa na si Efren ‘Bata’ Reyes bilang January 2004 AZBilliards Player of the Month.

Bukod sa panalo ni Reyes sa Derby City Classic All Around Championship, naghari din ito sa One-Pocket Division at pumangalawa sa 9-ball division. Tumapos din ito bilang fourth place sa UPA Pro Tour Championship sa kaagahan ng Enero.

Ang kalaban ni Reyes sa Derby City 9-Ball Division finals na si Ralf Souquet, ang napiling runner-up para sa January. Tinalo ni Souquet si Reyes sa 9-ball Finals at nagtapos bilang second place sa All Around Championship. Pumangatlo naman ito sa UPA Pro Tour Championship.

Naging paborito si Reyes sa botohan para sa Player of the Month matapos nitong kuhanin ang mahigit 50% ng mga boto.

Nakatabla ni Souquet sa third place si UPA Pro Tour Champion Mika Immonen sa visitor voting at si Johnny Archer na nagtapos bilang second place.

Ang total prize ni Reyes para sa buwan ng January ay $38,700, habang si Souquet ay umani ng $19,965 para sa naturang buwan.