Yap sa Purefoods na

Pumirma na ang no.2 pick na si James Yap at ang sixth pick ng Red Bull ng kontrata kahapon .

Nilagdaan ni Yap, ang University of the East stand-out ng tatlong taon at siyam na buwang kontrata sa Purefoods na nagkakahalaga ng P11 milyon.

Ito’y higit na mas malaki sa P10.65 milyong kontratang napagkasunduan ng Shell at ng top rookie pick na si Alvarez na nakikipagtawaran pa sa kanyang mga bonuses.

Pinirmahan din ni Denver Lopez, ang US National Collegiate Athletic Association guard ang two-year pact sa Barakos na nagkakahalaga ng P4.5 million.

Nakapirma na rin si Wesley Gonzales, ang fifth overall, ng three-and-a-half-year deal sa FedEx.

Sunud-sunod ang pirmahan ng kontrata matapos ihayag ng PBA ang deadline ng submmission ng line-up para sa Fiesta Conference na magsisimula sa Pebrero 22.

Si Yap ay tatanggap ng maximum salary para sa mga rookies na P150,000 sa kanyang unang taon na ltataas sa 2005 at sa 2006.(Ulat ni CVOchoa)