Nakatakdang magsagupa ang CSJL Knights at JRU Heavy Bombers sa alas-4:00 ng hapon pagkatapos ng sagupaan ng San Beda College at College of St. Benilde sa alas-2:00.
Tabla ang Jose Rizal at Letran sa 8-5 record sa likod ng defending champion San Sebastian College na nakasisiguro na sa bentaheng twice to beat bunga ng kanilang 9-4 record.
Bukod sa makabangon sa five-game losing streak, mahalagang pa-nalo naman ang hangad ng SBC Red Lions upang manatiling buhay ang kanilang tsansang makasama sa Final Four kung saan pasok na ang Stags, Knights at Heavy Bombers.
Kailangang ipanalo ng SBC Red Lions, nasa ikalimang puwesto taglay ang 6-7 karta sa likod ng 7-6 ng walang larong Ma-pua Institute of Techno-logy ang kanilang laban ngayon upang manatili sa kontensiyon.
Sa juniors division, maghaharap ang Red Cubs at Baby Blazers sa alas-11:30 ng umaga habang ang LC Squires at JRU Light Bombers ang tatapos ng aksiyon sa alas-6:00 ng gabi. (Ulat ni Carmela Ochoa)