First Gentleman humihingi ng tulong

Inilalarawan bilang isang ‘call for patriotism,’ iniimbitahan ni First Gentleman Mike Arroyo ang mga potential patrons mula sa government at private sector na palakasin ang kampanya ng bansa para sa 23rd Southeast Asian Games sa Vietnam sa Disyembre,

"On behalf of the First Gentleman. I am pleased to announce that he intends to help the Philippine quest for gold in the Vietnam SEA Games by inviting his friends in the private and government sector to a pledging session in Malacañang," wika ni Rod Nepomuceno kahapon sa ginanap na Philippine Sportswriters Association (PSA) Forum sa Holiday Inn Manila.

Ayon kay Nepomuceno, dating country manager ng International Management Group kung saan siya ay itinalaga ni Arroyo bilang project director ng naturang pagtitipon, ang nasabing pledging session ay pangungunahan ng First Gentleman na gaganapin sa August 15 sa Heroes’ Hall sa Malacañang.

At sa tulong ng Philippine Sports Commission at ng Philippine Olympic Committee, sinabi ni Nepomuceno na matutukoy na nila ang 60 ‘gold medal potentials’ na siyang mapagkakalooban ng bene-pisyo mula sa nasabing fund drive.

"In consultation with the POC and the PSC, we have already identified athletes bound for the SEA Games with legitimate gold medal poten-tials, who will benefit from this fund-raising," ani ni Nepomu-ceno.

At ng tanungin si Arroyo kung bakit ginagawa niya ang lahat para tulungan ang bansa sa kanilang kampanya na makasungkit ng ginto sa SEA Games, ipinaliwanag ni Nepomuceno na malakas ang pani-niwala ng First Gentleman na ‘sports is a catalyst for national development.’

Hindi tinukoy ni Nepomu-ceno kung magkano ang kan-yang malilikom na pondo sa nasabing pledging session, subalit kung tutukuyin ang kanyang huling fund-raiser, makakalikom ang Unang Ginoo ng hinidi bababa sa P30 milyon.

At sa nasabing halaga, ayon kay Nepomuceno, ang P10 milyon ay direktang mapu-punta sa sports. At umaasa rin siya na mas makakalikom pa ng pondo para sa mga gold potentials.

At dahil sa apat na buwan na lamang ang nalalabi para sa naturang biennial meet, idinagdag pa ni Nepomuceno na ang malilikom na pondo ay agad na ipamamahagi sa mga National Sports Association para sa kanilang pangsuporta sa mga training ng atleta.