Bata haharapin si Amang

Nakatakdang makipagkita si Efren ‘Bata’ Reyes sa kanyang kababayang US-based na si Jose ‘Amang’ Parica sa winner’s side ng Mid-Atlantic 9-Ball Championships sa Chesapeake, Virginia.

Bukod kina Reyes at Parica, kasama din si Francisco ‘Django’ Bustamante, Danny Harriman, Corey Deuel, Mika Immonen at Buddy Hall sa winners side habang hindi naman sinuwerte sa kanilang grupo sina Earl Strickland na yumuko kay Luc Salvas, 11-7 na siyang makakalaban ni AZBilliards Men’s Player of the Year na si Bustamante.

Napabilang din sa losers side si Ralf Souquet, Joey Korsiak, Jimmy Welch at Keith McCready.

Ngunit pinakamalaking upset ang naitala ni Young Hwa Jeong makaraang payukurin si Canadian champion John Horsfall, 11-10.

Makakalaban ni Jeong si Niels Feijin.