PSA Awards Night ipalalabas sa NBN 4

Ipalalabas ang 2002 PSA Annual Awards Night ngayong alas-9 ng gabi sa NBN-4.

Hosts sa naturang palabas sina basketball star Alex Compton at sportscaster Patricia Bermudez na magtatampok sa 75 atleta at sports leaders sa pangunguna ng Sportswoman of the Year na si Mikee Cojuangco, na pinarangalan ng Philippine Sportswriters Association sa ginanap na Annual Awards Night noong Jan. 10 sa Holiday Inn Manila.

Ang nabanggit na show ay hatid ng Red Bull, Photokina at Agfa na may suporta mula sa Samsung, San Miguel Corporation, Philippine Sports Commission, Philippine Charity Sweepstakes Office at Adidas.

Ang mga major awardees ng nakaraang taon ay sina Willie Miller (pro basketball), Enrico Villanueva (amateur basketball), Django Bustamante/Antonio Lining, Efren Reyes (billiards), Paeng Nepomuceno/RJ Bautista, Liza del Rosario (bowling), Angelo Que, Dottie Ardina, Jayvie Agojo (amateur golf), Harry Tanamor (amateur boxing) at Wind Blown (horse of the year).

Ginawaran rin ng PSA ang Ateneo Blue Eagles at ang coach na si Joel Banal at pinagkalooban naman ng special award si PNP Chief Superintendent Cris Maralit, na dating isang sportswriter.