Spring Cooking Oil sali sa NBL

Idaraos ng National Basketball League (NBL) ang isang linggong tournament sa Dec. 2-7 sa Tinga gym sa Taguig, Rizal bago sila tumungo sa regional sa susunod na taon.

Anim na koponan ang magpapakita ng aksiyon sa cagefest na ito, ayon kay national pistol shooting champion at NBL vice president for operations Nathaniel ‘Tac’ Padilla.

Lima rito ay ang Cebu City M. Lhuillier na igigiya ni coach Yayoy Alcoseba at Mandaue City Kwarta Padala na gagabayan naman ni Eddie Ybanez at ang dalawa ay pag-aari ni Cebu sportsman Michael Lhuillier; Forward Taguig na ang guro ay si Danny Gavierez at ni Mayor Freddie Tinga; Mandaluyong Wang’s Ball Club na ang coach ay si Jerome Cueto at Alex Wang at ang kasalukuyang national champion Spring Cooking Oil ng Malabon na tatrangkuhan naman ni coach Tito Palma at pag-aari ni Padilla.

Ang ikaanim na koponan ay posibleng sinuman sa Hartman Seigle na pangangasiwaan ni Mike Ganglani, Davao Marsman Drysdale nina Mario Bongayal at Uratex team ni Jimmy Mariano.