Ito ang banta ni World Boxing Council (WBC) International lightflyweight Champion Juanito Rubillar sa tangkang pag-agaw ng korona ni dating WBA minimumweight king Joma Gamboa ngayong alas-6:00 ng gabi sa Grand Flash Ballroom ng Elorde Sports Center sa Parañaque City.
Tampok din ang Pan Asian Boxing Flyweight Championship sa pagitan nina PABA no. 11 Archiel Villamor at PABA no. 12 Jerry Pahayahay pagkatapos ng dalawang non-title fights ng dalawang WBC International champions na sina flyweight Randy Mangubat na lalaban kay RP no. 1 flyweight Ramie Laput at WBC minimum-weight Ernesto Rubillar kontra minimumweight no. 22 Flash Villacura.
Parehong tumimbang ng 108-libras sina Rubillar at Gamboa, samantalang pawang tig-112 libras naman sina Villamor at Pahayahay.