Kamakailan, ipinalabas ni (PSC) Chairman Eric Buhain ang tulong pinansiyal na nagkakahalaga ng P500,000 sa organizing Manila Sports Council (MASCO) at siniguro rin niya ang libreng pagpapagamit ng mga sports facilities, habang dalawa pang pribadong kumpanya ang WG&A Super Ferry at Smart Communications ang naglaan na din ng suporta para sa isang
linggong tournament.
Ayon kay Ali Atienza, MASCO chief, na ang WG&A Super Ferry ang siyang magkakaloob ng tickets na siyang ipapa-raffle sa publiko ng MASCO kasabay ng naturang event, habang ang Smart Communications ang siyang magpo-provide ng communication equipment para sa organizers upang maseguro ang tagumpay ng Manila Youth Games.
Idinagdag pa ni Ali, na inaasahan nilang magbibigay rin ng tulong ang PAGCOR at Philippine Charity Sweepstakes Office (PCSO) para sa pagdaraos ng Manila Youth Games.
Ang PAGCOR at PCSO ang dalawang government agancies na siyang nagbibigay ng pinansiyal na suporta sa sports development ng bansa.
Ang iba pang nagpahayag ng kanilang suporta sa MYG ay ang Peak Taekwondo Equipment, Victor Sports at PC-One na siyang mangangasiwa sa computerization ng event.
Ang tatanghaling Outstanding performers sa MYG ang siyang pagkakalooban ng scholarships sa malapit ng itatag na Manila Sports Academy (MSA) sa Manila Boys’ Town.
Ang mga sports na paglalabanan sa MYG ay ang athletics, badminton, chess, dancesports, football, gymnastics, lawn tennis, girls softball, swimming, table tennis, taekwondo at volleyball.