Walang special house rules ang PBA na i-implementa

Walang special sa house rules ng PBA Commissioner’s Office na i-implementa sa susunod na 1 1/2 season kaugnay ng desisyon na patagalin pa ang partisipasyon ng Purefoods sa 2002.

Ito ang siniguro ni PBA acting Commissioner Sonny Barrios kahapon.

"The house rules are not that tedious as speculated. What we have decided is Purefoods will have no voting power and that the rule of no direct trading of players among three teams is absolute," pahayag ni Barrios.

Inamin rin ni Barrios na marami pang butas. Maaari pa ring mag-trade ng players ang sister-team na ang sangkot ay ang non-sister PBA squad.

At puwede ring umapela ang San Miguel Corporation na siya na nga-yong may-ari ng Purefoods franchise kung nais nilang palawigin ang partisipasyon nito matapos ang 2002.

"That’s one matter which could be discussed in the August 27 board meeting. Yes puwedeng pang i-amend ang house-rules as long as it is within the bounds of the PBA rules and regulations," wika pa ni Barrios.

Matapos ang 2002, tanging sina Rey Evangelista at Noy Castillo ang nalalabing may kontrata pa sa Purefoods. At kung magdedesisyon ang Purefoods na papirmahin sila ng kontrata matapos ang 2002, ang nasabing kumpanya na ang responsable at labas na ang PBA dito.

"Kung nag-sign sila ng players beyond 2002, at yung bumili for example ng franchise ng Purefoods doesn’t want to assume the contract of the player, Purefoods should be responsible for that," paliwanag pa ni Barrios.

May espekulasyon na ibig ng San Miguel na palawigin ang kanilang partisipasyon.