PBA-MBA Selection sa SEA Games?

Upang ipakita ang pagkakaisa, napagkasunduan ng mga mga basketball officials na magkaroon ng PBA-MBA Selection na kakatawan ng bansa sa South East Asian Games sa Kuala Lumpur, Malaysia sa September.

Ito ang kinahantungan ng pagpupulong nina BAP acting President Gonzalo Puyat, dating ABC Secretary-General Moying Martelino, Atty. Brigido Dulay, PBA finance officer Rickie Palou at MBA Commissioner Ogie Narvasa sa New World Hotel sa Makati noong Martes.

May plano ring isang PBL All-Star team ang ipadadala sa ABC Men’s Championship sa Shanghai sa July 20-26.

Ngunit ang lahat nang ito ay nakasalalay sa magiging desisyon ng PBA Board gayundin sa MBA sa kanilang pagpupulong sa Lunes at kung papayag ang dalawang liga ay agad bubuuin ang pambansang koponan na pangangasiwaan ng isang PBA coach, dahil ang submission ng line-up sa SEAG ay sa July na. (Ulat ni Nelson Beltran)