Philips X-rage sasabog sa Mayo 18-20 sa Fort Summer Camp

Pupukaw na ng pansin ang Philips X-rage ngayong taon ang pinaka-eksplo-sibong sports event sa bansa sa Mayo 18-20 sa Fort Summer Camp, Bonifacio Global City.

Hatid ng Philips Consumer Electronics, isa sa nangungunang consumers electronics companies sa daigdig, tampok sa tatlong araw na Philips X-rage ang maaksiyong weekend na magbibigay sa mga kaba-taang Pilipino ng oportunidad na maging bahagi ng kasiya-siyang festival of extreme games gaya ng BMX, skateboarding at in-line skating.

Darating sa bansa ang mga top extreme sports athletes para sa special na event na ito gaya ng mga world pros na sina Joshua Heino, JD Heino, Tyler Shields, Michael Peterson, Zacky "Webber" Murphy at ng ipinagmamalaki ng Pilipinas na si Willy Santos upang mag-demonstrate sa sports na ito na nagpasikat sa kanila sa buong daigidg.

Ang mananalo rito ay magkakaroon ng tsansa na katawanin ang bansa sa Philips X-rage’s regional finals na gaganapin sa Jakarta, Indonesia. Magkakaroon rin ng tsansa ang mga best-of-the-best na makalipad patungong Woodward Camp, ang ultimate destinas-yon para sa anumang extreme sports enthusiasts. Matatagpuan sa Central Pennsylvania, U.S.A., ang naturang camp ang siyang pinakamalaking sports complex at magsisilbing training area para sa maraming top pros at Olympic medalists sa fields ng freestyle biking, skateboarding, in-line skating at gymnastics.