PBL sa SCOOP

Tampok na usapin ang Philippine Basketball League kung saan panauhin si PBL Commissioner Chino Trinidad at chairman Dioceldo Sy bukas sa lingguhang Sports Communicators Organization of the Philippines (SCOOP) forum sa Kamayan West Avenue.

Tatalakayin nina Sy at Trinidad ang mga bagay hinggil sa pagbubukas ng 18th season ng PBL Chairman’s Cup sa darating na Sabado sa Makati Coliseum.

Inaasahan ding dadalo sa pagtitipon sina Welcoat team owners Raymond Yu at Terry Que, Hapee team manager Bernard Yang, Montana team manager-coach Leo Isaac at Shark team manager Jesse Chua. Ang session ay magsisimula sa alas-10:30 ng umaga.