Salvador at Estuque, dinomina ang 1st Metro Manila Chessfest

Kapwa dinomina nina Roland Salvador at Ruben Estuque ang kani-kanilang division sa ginanap kamakailan na 1st Metro Manila youth 25 years and below active chess individual non-master chess tournament sa Center Mall ng Greenhills Shopping Complex noong isang Linggo.

Tinalo ni Salvador, naglaro na hawak ang mga puting piyesa ang dating solo lider na si Beng Largo sa pagkana ng 7.5 puntos kasama sina Julio Catalino Sadora na nanaig naman kontra Jesse Sinangote upang magkaroon ng two-way tie.

Ngunit si Salvador ang nahirang na kampeon bunga ng kanyang mataas na tie break points.

Nanalo naman sa category winners sina Daisy Rivera ng UE-Manila (Top Lady); Roderick Nava ng Carmona, National High School (Top Juniors) at Joel Cholo Banawa ng QC (top kiddies). At sa handicapped category na nilahukan ng 10 lalaking bulag sa single round robin format, winalis ni Ruben Estuque ang lahat ng kanyang kalaban upang itala ang perpektong 9 puntos na nagbigay sa kanya ng korona.