Mlynarik, Pampoulov umusad sa semifinal ng Tennis Federation-Phils.

Kapwa umusad sa semifinals sina Austrians Zbynek Mlynarik at Luben Pampoulov nang magtala ng impresibong panalo kahapon sa $15,000 international Tennis Federation-Philippines Men’s Futures Week 1 sa Rizal Memorial Tennis Center.

Itinala ni Mlynarik ang 7-6 (5), 7-6 (5) panalo kontra sa fifth seed na si Donovan September ng South Africa upang harapin si Danai Udomchoke ng Thailand.

Sa kabila nito, pinatalsik naman ni Pampoulov si Lukasz Kubot ng Poland, 6-4, 6-3 upang harapin naman si Yoon Yong-il ng Korea na nanalo sa kababayang si Chung Hee-Seok, 6-3, 6-3.