Ikatlong panalo nakamit ng Shark sa 2nd PBL Challenge Cup

Naging madali ang pagsulong ng Shark Energy Drinks sa ikatlong sunod na panalo nang kanilang dominahin ang laban kontra sa Hapee Toothpaste tungo sa 68-56 panalo sa pag-usad ng eliminations ng 2nd PBL Challenge Cup sa Makati Coliseum kahapon.

Humarurot sa unang bahagi pa lamang ng labanan ang Shark at kanilang prinotektahan ang naipundar na bentahe tungo sa kanilang tagum-pay na nagbigay sa kanila ng karapatang saluhan ang Montana Jewels sa liderato.