Pinoy na undecided sa VP Sara impeachment trial nabawasan
MANILA, Philippines — Mas dumami ang mga Pilipinong may paninindigan na sa impeachment trial ni Vice President Sara Duterte, ayon sa OCTA Research.
Batay sa survey, bumaba sa 47% mula 55% ang mga nagsabing nais muna nilang makita ang mga ebidensiya bago magpasya. Samantala, tumaas sa 46% mula 38% ang may pinapanigan nang hatol.
Gayunman, nananatiling hati ang opinyon ng publiko. Mula sa 21%, umakyat sa 25% ang pabor sa acquittal, habang tumaas naman sa 21% mula 17% ang pabor sa conviction.
Sa NCR, lumobo sa 34% mula 19% ang pabor sa conviction. Sa Mindanao naman, umakyat sa 52% mula 41% ang pabor sa acquittal, na siyang nag-iisang rehiyong may mayoryang suporta sa isang panig.
Isinagawa ang survey mula Sept. 28-Okt. 4, 2026 sa 1,200 respondent na edad 18 pataas.
- Latest



















