Delos Santos bumuhat ng bronze at bagong record

MANILA, Philippines — Binuhat ni national weightlifter Albert Ian Delos Santos ang nag-iisang medalya ng Team Philippines sa 20th Asian Games bukod sa pagtatala ng bagong World at Asian junior records kahapon sa Aichi-Nagoya, Japan.

Nagposte ang 20-an­yos na si Delos Santos ng 141 kilogram sa snatch at 183kg sa clean and jerk para sa total lift na 324kg at kunin ang bronze medal sa men’s 70kg division ng weightlifting event sa Nagoya City Trade and Industry Center.

Ang 183kg sa clean and jerk ang bagong World at Asian junior record na inilista ng torchbearer ng Team Philippines sa Aichi-Nagoya Asiad opening ceremony.

Ang kanyang 324kg total lift ay isa ring bagong Asian junior mark.

Muling inalala ni Delos Santos ang kanyang namayapang father/trainer na si Alvin na namatay dahil sa liver cancer noong Marso sa edad na 55-anyos.

“It gave me a sense of confidence. You know, spiritually, I feel him around sa akin,” ani Delos Santos. “I don’t think he’s dead. He’s just with us, in a diffe­rent plane.”

Si Ju Ri ng South Korea (349kg) at Masanori Miyamoto (342kg) ng Japan ang kumuha sa gold at silver medal, ayon sa pagkakasunod.

Ang bronze ni Delos Santos ang ikaanim ng Pilipinas sa Aichi-Nagoya Asiad bukod sa dalawang golds ni gymnast Carlos Edriel Yulo at tig-isang silver ni mixed martial arts fighter Jean Claude Saclag at ng Gilas Pilipinas Women 3x3 team para pumuwesto sa No. 14 sa medal tally.

Kumolekta ang defen­ding Asiad champion China ng 105 golds, 39 silvers at 26 bronzes kasunod ang Japan (30-46-47) at Korea (14-20-36).

Pasok ang suntok ni Pinoy boxer Carlos Paalam kay Jadumani Singh Mandengbam ng India sa 20th Asian Games sa Aichi-Nagoya, Japan.

POC Pool

Sa boxing, swak sa quarterfinals si 2020 Tokyo Olympics silver medalist Carlo Paalam matapos ang 3-0 panalo kay Jadumani Singh Mandengbam ng India sa men’s 55kg class.

Abante rin si Tokyo Games silver winner Nesthy Petecio sa quarterfinals ng women’s 60kg sa kanyang second-round toppage win kay  Mays Alreem Abukhadijah ng Jordan.

Sa women’s beach volleyball, pasok sina Alas Pilipinas Women duo Khylem Progella at Sofiah Pagara sa Round of 16 matapos ang three-game sweep sa Pool G kasama ang 21-19, 21-17 panalo kina Wing Man To at Wing Tung To ng Hong Kong.