Monton gumawa ng Philippine cycling history
MANILA, Philippines — Gumawa ng kasaysayan sa Philippine cycling si lady rider Mary Joyce Monton sa kanyang pagpadyak sa Women Elite race ng 2026 UCI Road World Championships ngayong araw sa Montreal, Canada.
“I’m excited about racing in the world championships, but it would be a difficult race with the world’s elite racing,” sabi ng 29-anyos na si Monton na suportado ng Philippine Olympic Committee sa likod ni Abraham Tolentino at ng Philippine Sports Commission sa pamumuno ni Patrick Gregorio.
Ang Los Angeles-based cyclist ay ang reigning PhilCycling National Championships road champion at ang individual time trial at criterium gold medalist dalawang taon na ang nakakalipas.
Sasabak si Monton sa 180.10-kilometer race na kinabibilangan nina Demi Vollering (Netherlands), Kasia Niewiadoma (Poland), Marlen Reusser (Switzerland), Paula Blasi (Spain), Franziska Koch (Germany), Kim Le Court (Mauritius) at Lotte Kopecky (Belgium).
Naniniwala si Tolentino na magbibigay ng magandang laban si Monton kontra sa mga pinakamahuhusay na lady riders sa buong mundo.
“We wish her good luck, but her participation along is already a milestone in itself,” wika ni Tolentino, pangulo rin ng PhilCycling, mula sa Nagoya, Japan para sa 20th Asian Games.
Kabuuang 141 riders mula sa 56 bansa ang nakalista sa start list.
- Latest
