Hagit sa mga senior citizens

Una sa tanan, ato unang hisgutan kining giingon dinhi nga involvement sa mga senior citizens sa America, pinaagi sa ilang kapunongan, ang AARP, kon American Association of Retired Persons. Matud pa, AARP is highly active and involved in local government across the US. It partners with cities and counties through the AARP Network of Age-Friendly States and Communities.

Unya ang mga local elected leaders (sama sa atong mga local elected officials dinhi), commit livability (comfortable, harmonious living) for all ages, collaborating with AARP to enhance housing, transportation, public spaces, and civic engagement. Sa ato pa, involved sila sa mga kalihokan sa kagamhanan ug sa katilingban.

Ngilngiga sa mga senior citizens ug mga retirees sa America no? Nagpakabana ug aktibo sila sa mga kalihokan sa kagamhanan ug sa katilingban. Kita dinhi ang atong trabaho mao ra gyud ang paghuwat kanus-a manghatag ang city hall sa atong financial assistance.

Gumikan sa ilang panaghugpong ug panaghiusa, nilig-on pag-ayo ang ilang kapunongan, nga giisip sila nga usa sa labing influential nga lobbying group sa America. (a lobby refers to an organized, pressure groups that works to persuade politicians or government officials to support or pass specific policies).

Mao, nga inigtingog sa mga senior citizens didto, paminawon gayud sila sa federal government. Kita dinhi aduna ba kitay hiniusang tingog as an organization? Mao kini ang sangputanan sa atong pagka-disorganized, pagka-fragmented, ug pagka-disunited, kaylagi, lisud usahon kitang mga Pinoy.

Tan-awa ang atong nasud karon, inay maghiusa ug magtinabangay, pag-atubang sa tremendous ug enormous nga suliran sa atong nasud, nag-iyahay na hinuon pagdinautay, ug pakitaay kinsay hawod.

Unya, ang mga hunahuna ug panglantaw sa atong mga political leaders, atua na sa 2028 presidential elections. Unsaon nato pag-uswag niini.

Gikan sa Google, ania ang kahimtang panalapi ug membership sa mga senior citizens ug retirees sa America: “AARP reported a record net asset value of $12.1 billion and over 38 million members.” Daan kini nga mga figues, akong banabana, ang networth mukabat na tingali ug $14 billlion, samtang ang membership muabot na tingali og 40 to 42 million.

Whatever, ingon sila niini ka daku ug kalig-on, nga dili sila ma-ignored ug mapabali-wala, sama kanato dinhi, nga tungod kay nag-iyahay kita, wala maghiusa, huyang ang atong pundok. We are about 9 million senior citizens in the country. Apan, they look at us as individuals, and not as one closely-net nga organization.

Hinumdoman nga dihay attempt to unite us into one nationwide organization, sama sa AARP, pinaagi sa FSCAP kon Federation of Senior Citizens Associations of the Philippines, apan napakyas kadto tungod kaylagi, we refused to get united. Supak sa atong kabubot-on ang paghiusa.

Sa America, ang membership dues lang sa AARP, mokabat og roughly $371 million annually. Ka-daku ini nga kwarta.

Mao nga hagit kini sa OSCA, ug sa National Council of Senior Citizens (NCSC), paghiusa sa nagkabulaag nga mga senior citizens sa dakbayan. Bisan og city-wide lang una.

Dili wagtangon ang senior citizens associations sa mga barangay, apan ang individual members niini maoy ma-member unya sa Cebu City Federation of Senior Citizens Association.