VP Sara gi-Impeach sa House

CEBU, Philippines — Ang House of Representatives mi-impeach kagahapon, Mayo 10,2026 kang Vice President Sara Duterte sa ikaduhang higayon paglabay lang og kapin usa ka tuig, pinaagi sa botasyon nga 257 pabor, ug 25 nga dili pabor, ug siyam ang ni-abstain bahin sa iyang impeachment.

Ang botasyon sa House Plenary gihimo para iduso o ba kaha dili ngadto sa Senado ang Articles of Impeachment batok niya may labot sa mga pasangil nga pagwaldas sa pundo sa katawhan, dili maesplikar nga bahandi ug paghulga sa kinabuhi ni Presidente Ferdinand Marcos Jr. killed.

Ang gidaghanon sa nibotar og Yes, nilapas pa gani sa unang 215 nga nipirma kaniadto sa unang impeachment complaint batok kang VP Duterte niadtong Pebrero 2025,  ug sobra-sobra kaayo sa gikinahanglan lang nga 106 votes —o one-third sa kinatibuk-ang 318-member sa House —  nga maoy gimando sa Constitution para mosaka ang kaso.

Si VP Duterte karon ang pinaka-unang opisyal sa kasaysayan sa Pilipinas nga kaduha na-impeach   sa House of the Representatives.

Ang Articles of Impeachment ihatud na ngadto sa Senado nga maoy magsilbing impeachment court ug maoy modesider kung kombiktohon siya o absweltohon. 

Nagkinahanglan og two-thirds vote, o 16  gikan sa  24 ka senador  aron matangtang siya sa pwesto ug ma-disqualify tibuok kinabuhi pagdagan og bisan unsang posisyon sa gobiyerno, lakip na ang pagdili sa iya nga makadagan pagka-presidente sa nasud karong 2028.--Gikan sa Philstar.com/IBM BANAT NEWS