Mamahimo bang minusan ang financial support sa bata

Dear Atty. Divine,

Naghatag og monthly support sa akong anak nga P15,000 per month, apan karong bag-o, nawad an ko og trabaho kay na close ang among company. Tungod niini, plano unta nako nga i-reduce ang akong monthly support sa bata hangtud sa makakita ko pagbalik og trabaho, ang akong pangutana kon pwede ba ni nako nga buhaton? Daghang salamat. —Danny

Dear Danny,

Basi sa Article  202 sa atong Family Code, mamahimong ma increase or ma reduce ang financial support  sa bata depende sa financial need sa bata o  sa resources sa  amahan nga naghatag sa support.  Sa imo nga kaso, nawad an ka og trabaho og kasamtangan pa ka nga nangita og laing katrabahuan busa justifiable ang imong plano nga ireduce una ang amount sa support nga imong ihatag. Apan mas maayo nga imong pasabton ang inahan sa bata labot sa imong sitwasyon karon kay di man sab siya kapugos nimo sa paghatag sa naandan nga amount kon nagkalisud gyud ka busa wa sab siyay basis to file a case against you gumikan sa imong sitwasyon. Imo lang unya nga ibalik ang naandan nga amount kon makakita na ikaw og trabaho. Thank you and God bless.—Atty. Divine

Alang sa inyong pangutana, palihug lang sa pag email sa flores_ [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.