Gamiton na sa tag-iya ang yuta nga giabangan
Dear Atty. Divine,
Ang yuta nga among gipuy-an amo rang giabangan sud na sa 40 ka tuig. Apan karon gusto na mi nga papahawaon kay gamiton na daw sa tag-iya ang yuta. Nag abang mi sa maong yuta matag buwan. Ang akong pangutana kon naa ba mi katungod nga mosupak og mobabag sa pagpapahawa namo considering nga dugay na mi nagpuyo sa maong lugar? Daghang salamat.
Rosa
* * *
Dear Rosa,
Bisan kon 40 ka tuig na mong nagpuyo sa maong lugar, di gihapon kamo makabuot kon gamiton na sa tag-iya ang maong yuta. Kini bisan pa kon nagbayad kamo og abang sa inyong pagpuyo sa maong lugar. Kay basi sa balaod, ang tag-iya sa usa ka property sama sa yuta maoy dunay katungod nga modesisyon kon unsay iyang buhaton niini.
Kon aduna moy contract nga gipirmahan ang inyong buhaton mao lang ang paghangyo sa tag-iya nga tiwason ang term sa inyong contract, apan kon wa moy pinirmahan then inyo nalang hangyuon ang tag-iya nga hatagan mo og igong panahon aron makapangita mo og kabalhinan. Thank you and God bless.
Atty. Divine
* * *
Alang sa inyong pangutana, palihug lang sa pag email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.
- Latest
