Makaduha girehistro ang birth certificate

Dear Atty. Divine,

Aduna koy pangutana may labot sa birth certificate sa akong bana. Karong bag-o nagkuha siya og kopya sa iyang birth certificate sa PSA, apan, nakurat siya kay duha man ang iyang birth certificate. Ang akong pangutana kun unsa may angayan niyang buhaton aron matangtang ning iyang usa ka birth certificate kay basin og masangit siya ini’g kuha niya og passport? Daghang salamat.

Lydia.

* * *

Dear Lydia,

Kay kaduha man ma register ang imong bana, ang unang narehistro maoy mo prevail niini. Samtang ang ikaduha niyang registration matangtang lang kini pinaagi sa korte. Busa kinahanglan ang imong bana nga mo-file og Petition for Cancellation of Civil Registry Entry ngadto sa korte diin mahimutang ang Local Civil Registrar nga anaa ma rehistro ang imong bana. Kinahanglan gyud ka og abogado aron sa pag-file sa maong petition kay aduna man sab kini hearing nga diin ikaw isip petitioner mo-testify sa korte. Ang maayong buhaton sa imong bana karon mao ang pagduol og abogado aron matabangan siya sa iyang problema sa double registration. Daghang salamat.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi saakong column matag Miyerkules, Sabado ug Domingo.