Maka-inherit ba ang igsuon sa namatay?

Dear Atty. Divine,

Ang akong mama adunay property nga na-inherit gikan sa iyang parents.

Ang title sa maong property nabalhin na sa name sa akong mama. Last year namatay ang akong mama. Patay na sad ang akong papa.

Karon ang usa sa mga igsuon ni mama nga mao nalay buhi gusto man mangayo og bahin sa yuta nga gibilin sa akong mama.

Ang akong pangutana kUn entitled ba og share ang igsuon sa akong mama sa gibilin niya nga yuta? Daghang salamat.

Flor

* * *

Dear Flor,

Kun ang imong mama namatay way gibilin nga Last Will and Testament, ang mga kabtangan nga iyang gibilin adto mapunta sa iyang mga compulsory heirs.

Ang  iyang mga compulsory heirs basi sa  balaod kamo iyang mga anak, kay wa na man ang imong papa. Sa ato pa, kamong mga anak maoy dapat nga mo inherit sa yuta sa imong mama.

Ang igsuon sa imong mama dili entitled og share kay ang collateral relatives sama sa igsuon maka inherit lang kun way mga anak ug spouse nga nahibilin ang namatay. Thank you and God bless.

Atty. Divine

* * *

Alang sa inyong pangutana, palihug lang sa email sa [email protected] ug akong tubagon ang inyong pangutana pinaagi sa akong column matag Miyerkules, Sabado og Domingo.