GAD

Gender and Development. Mao kini ang programa sa atong gobiyerno kalabot sa mga kaigsuonan nato nga nahisakop sa LGBTQ Community.

Gidapit ko nga magmisa apan sa laing bahin usab ang mohimo sa pagpalawom kalabot ning maong isyu. Sensitibo kining maong isyu labina kanila nga nalambigit gyud niini personal mente.

Apan sa akong pamalandong atong makab-ot kining mosunod nga mga punto:

1. Dili man sala nga mamahimong homosexual apan ang sala mosulod na kun mohimo na ang usa ka tawo og homosexual activities.

2. Angayan silang tahuron isip tawo apan wala kini magpasabot nga kinahanglang pugson gyud kita nga mosakay sa ilang kaugalingong kapritso.

Ato silang tahuron apan sa laing bahin ato silang giyahan aron mahasubay sa husto nga dalan.

3. Mas makatarunganon nga gamiton ang talento sa pagpangalagad sa uban kaysa himoon ang kaugalingon nga kataw-anan.

Sama pananglit sa libreng tupi, manicure, o make up sa mga mahinungdanong kalihukan nga maglambigit sa community service.

Isip synodal church kita mopanaw kuyog nila padulong sa Dios ug sa gingharian niya pinaagi sa pagtabang kanila nga mas makasinati sa Ginoo diha sa ilang kinabuhi.