Senior na

Sa akong pagtagik ning maong lindog karon gisaulog sa among parokya ang ikaka kan-uman nga sumad sa pagkatukod niini.

Kun sa tawo pa, usa na kami ka senior citizen nga sa ato pa sinugdanan na gyud sa pagkatiguwang. Kun tiguwang na ang usa ka tawo atong gipaabot nga kini:

1. magkahinay na gyud.

2. dili na kaayo molakaw.

3. dili na ganahan og saba.

4. hinay ug pinili na angpagkaon.

Apan kun atong himoong positibo kining maong mga kamatuoran nagpasabot man kini og:

1. hinay aron mamalandong

2. dili na kaayo molakaw aron maka pokus sa mga pryoridad.

3. dili na ganahan og saba aron makaampo ug makigkukabildo sa Ginoo.

4. hinay ug pinili ang pagkaon tungod kay buot natong usapon ang matag panghitabo sa atong kinabuhi ug panaw ingon nga Parokya aron sa ingon daghan kita mabalon ug matigom diha sa atong tagsa tagsa ka mga handurawan sa atong kinabuhi.

Unta kining atong pagsaulog sa atong anibersaryo magdasig kanato sa pagpanaw ngadto sa paghimaya sa Dios ug alang sa kaalagaran sa atong isigkaingon.