Mamahimo bang pa-ubsan sa amahan ang monthly support sa Bata?

Dear Atty. Divine,

Aduna koy anak sa akong kanhi partner og naghatag ko og monthly financial support sa bata. Apan karong bag-o nagkaproblema ko financially after nasakit ang akong mama tungod sa hospital bills og maintenance sa iyang tambal. Ang akong pangutana kon mamahimo ba nako nga ireduce temporarily ang akong suporta sa bata matag buwan? Daghang salamat. — Leo

Dear Leo,

Kon ang monthly support sa bata gitakda sa korte, dili mamahimo nga imong usbon ang amount unilaterally kay kinahanglan ka nga mananghid sa korte og maghuwat ka sa approval sa court. Og kon ang imong paghatag sa suporta gibasi sa inyong kasabotan uban sa inahan sa bata, dili sab kini mamahimo nga imong usbon nga way pagtugot sa inahan sa bata. Kinahanglan sab nga adunay pagtugot sa inahan sa bata og imo siyang pasabton sa imong financial situation pagkakaron tungod sa health issues sa imong inahan. Kinahanglan sab nga imong klaruhon kaniya kon hangtud kanus-a ang imong paghatag og reduced nga amount sa suporta sa bata. Thank you and God bless. —Atty. Divine

* * *

Alang sa inyong pangutana, palihug lang sa pag-email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.