Doomsday panic

Daghan ang nanggawas karon sa social media nga makalilisang kun buot hunahunaon.

Kini tungod kay naghisgot man sa mga linog, the Big One, ang pagbuto sa Betulgesse nga bitoon ang interstellar object etc. etc. etc.

Daghan sa mga tawo ang niduol ug naminaw sa mga panagna nila Rudy Baldwin ug uban pang mga propeta kuno ning atong kapanohan.

Sa laktod nga pagkasulti daghanan karon ang nahimong mga nalisang ug gani na stagnant ang ilang kinabuhi gumikan sa mga nahitabong mga katalagman.

Sa tinuod lang nahimong laagan ang linog karong mga panahona.

Wala mag urong sa usa lamang ka dapit. Ang tanan nanglihok na gyud.

Kun unsa man gani ang dangatan ini wala gyud kitay mahimo. Kining maong mga butanga ug panghitabo ang nagdapit kanato sa pagpamalandong ning mosunod:

1. kinahanglang andam kita. Kitang tanan ning kalibutan lumalabay lamang.

2. dili angayan nga mahadlok kay diha sa kahadlok ug kalisang malisud ang paglihok.

3. batonan nato ang pagtuo nga bisan unsay mahitabo ang Dios dili gyud mobiya kanato.

4. batonan nato ang paglaum nga dunay gitagana ang Dios nga mas hingpiit pa kaysa atong naangkong karon.

5. mahimong mahanaw ang langit ug yuta apan dili mahimong mahanaw ang pulong sa Dios.

Kun matapos ang kalibutan mag-unong kitang tanan angkatapusan sa bulan ang kahadlokan kay daghan og bayranan.