Ang gingharian sa Dios

Basaha: Lk. 13;18-29

Dunay mga proseso nga predictable ug atong matag-an ang resulta apan ang proseso nga giagian niini malisod kaayo tugkaron.

Sama sa proseso sa pagtisok sa binhi hangtud nahimo na kining hingpit nga kahoy sama sa gihisgutan sa atong ebanghelyo karon. Ug gani, ingon usab niini ang mahitungod sa Paghari sa Dios.

Matud pa sa mga teologo nga ang paghari sa Dios anaa na apan wala pa.

Anaa na sanglit gisugdan man kin isa atong Ginoo ingon nga proyekto apan wala pa kay anaa pa man sa process of becoming. Nga sa ato pa, gidapit kita aron manginlabot alang niini.

Nagpasabot kini nga sa atong pagkayanong linalang gisaligan kita sa Dios aron makasalmot sa katukoran sa iyang gingharian dinhi sa yuta.

Diha sa pagpaambit sa pagtuo, paglaum ug paghigugma. Kining mga birtud dako kaayo og kahimoan aron maandam kita sa pagdawat sa maong kaakuhan.

Ang maong kaakuhan nga modasig kanato aron atong masunod ang birtud nga gipakita sa atong talahurong hari nga walay lain kondili ang atong Ginoong Jesus!