^

Banat Opinyon

Nagdilaab nga kasingkasing alang sa iro

LABTIK - Alan Domingo - Banat
This content was originally published by Banat following its editorial guidelines. Philstar.com hosts its content but has no editorial control over it.

Taliwala sa mga dautang panghitabo sa pagsulod niining buwan Marso diin sagunson ang nahitabong sunog, usa ka maayong balita ang misibaw nga naghatag og inspirasyon sa mga nakasaksi niini, ang act of kindness nga gihimo sa duha ka fire volunteers nga miresponde sa sunog sa Baranggay Mantuyong sa  dakbayan sa Mandaue.

Dili lang pagsalbar sa kinahuhi ug kabtangan sa mga tawo kondili apil na ang mga hayop sama sa iro nga gitabang sa duha ka bombero kinsa naningkamot nga ma-revive nila ang iro, nagsige og pump ang usa sa dughan sa iro samtang ang usa ka bombero ang nihimo og mouth-to-mouth resuscitation nga wala niya baliha ang peligro sa rabies basta masalbar ra ang iro.

Subo palandungon nga nakabsan gyud sa kinabuhi ang iro tungod sa grabe nga pagkalumos sa aso. Namatay man ang iro apan nakatatak na ang iyang estorya nga adunay duha kay tawo ang nagpakabana kaniya.

Gisuwayan nako og hinabi ang duha ka fire volunteers kay nindot man ang ilang estorya nga makapadasig sa mga tawo nga mopangga sa mga hayop.

Apan nibalibad sila kay igo lang sila nga nihimo sa ilang responsibilidad. Nagmatuod lang usab kini nga dili lang for video alang sa pabida ang gihimo nila kon dili kinasing kasing.

Unta nisanong na sila sa interview kay ma-feature gud sa TV ug mas mosikat sila apan wala nila kini buhata busa angayan lang sila saludohan sa bulawan nilang kasing kasing nga natandog sa usa ka hayop.

Gipakita usab nila nga sila ang mga dog’s best friend. Talagsaon kini nga estorya nga nagpakita sa relasyon tali sa tawo ug iro kinsa loyal kaayo sa mga tawo nga nagpakita kanila og pagmahal.

Gamay nga butang o no big deal alang sa uban apan alang niadtong mga pet lovers dako kaayo kini og impact sa kawsa sa pagpanalipod sa mga hayop sama sa giisip nga man’s best friend.

Saludo mga sir, ipadayon ang nagdilaab nga gugma sa mga hayop.

FIRE

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with