I’d rather be pastoral than popular

Kini ang gibuhiang pulong ug pamahayag sa among ordaining prelate kaniadto nga si Ricardo Cardinal Vidal.

Kining maong pamahayag padayong nisibaw diha sa akong alimpatakan ingon man galamhan.

Sa atong kapanohan karon halos tanang mga butang mahimong isibya diha sa Social Media.

Bisan gani ang mga yanong hitabo sa kinabuhi isibya man.

Lakip pud sa isibya mao ang mga pagbati ug mga suliran.

Kun atong sumadahon tanang mga kalihukan imantala sa Social Media lakip na ang kasinatian sa disgrasya ug emerehensiya.

Asa naman diay ang working in silence? O mahinungdanon ba kaha ang working in silence? Dunay mga tawo nga sa hilom naglihok apan wala makita sa social media ang ilang mga ginagmay apan makanunayong panlimbasog alang sa katukoran sa Gingharian sa Dios dinhi sa yuta.

Apan bisan pa man kun wala ang camera nagsud-ong sa ilang mga bayanihong mugna, apan padayon silang naglihok sa kanunay ug sa kawalay kakapoy.

Kini tungod kay ang tumong sa ilang pagpangalagad mao man ang kahimayaang Diosnon ug dili ang ilang kaugalingong kasikat.

Hinumdomi diha sa kahilom anaa ang Dios.