Kampanya sa pag-apura
Dunay naglibog unsaon pagkumbinser si Senate President Chiz Escudero sa kabinuang sa pagyaka sa articles of impeachment batok ni Bise Presidente Sara Duterte sa mosunod nga upat ka buwan. Maong nagpatabang siya sa Grok 3, ang artificial intelligence sa X (kanhi Twitter) ni Elon Musk. Sa usa lang ka pamilok gilistahan siya og walo ka rekomendasyon:
1. Pagpabaha sa Senado og impeachment cards. Pagdasig sa katawhan sa pagpadala og impeachment cards sa mga upisina sa mga senador uban ang simpleng mensahe, “nagdagan ang oras, impeachment trial karon dayon!” Mas lisod isnabon ang physical cards, nga kada usa nagrepresentar og botante nga ilang gisaaran nga serbisyohan.
* * *
1. Impeachment Countdown Campaign sa social media ug sa kadalanan nga magpakita pila ka adlaw na ang nausik sukad sa House impeachment (Pebrero 5, 2025), i-tag ang mga senador sa mensahe nga “Ika-27 ka adlaw na, wala pa gyoy husay?,” paningkamotan nga daghan ang moapil sa publikong ihap aron mas mauwawan sa pag-insistir sa ilang bakasyon.
2. People’s Impeachment Court Flash Mob sa mga plaza nga ang mga mangapil magsilbing mga huwes ug mga saksi aron pagpahibawo sa mga senador nga ang katawhan andam nga motuman sa trabaho nga ilang gipasagdan.
* * *
1. Pagtawag sa telepono ug pakig-chat sa mga senador sa social media uban sa inadlawng mensahe nga, “1987 Constitution niingon nga forthwith, nganong gilangay ang husay?”
2. Pagprotesta sa kalihokan sa mga senador nga mangampanya sa nagkalainlaing mga syudad ug probinsiya uban ang mga plakard nga magkanayon, “Dili mi mobotar nimo hangtod nga imong tumanon ang konstitusyon.
3. Pagpasiugda og meme contest sa tapolan nga mga senador, ang labing maayong memes pasidunggan pinaagi sa pagpublikar sa ilang trabaho sa social media aron makit-an sa mas daghan, tan-awon nato duna bay senador nga ganahang iproklamar nga hari ug hara sa bakasyon.
* * *
1. Signature campaign pag-awhag ni Presidente Ferdinand Marcos Jr. sa paghunong sa iyang pagoryo-goryo ug pagpatawag og special session aron mapugos ang mga senador sa pag-convene sa impeachment court.
2. Pagbilar para sa hustisya sa mga plaza uban ang mga kandila ug banners ug mga diskurso kada gabii hangtod nga molihok ang mga senador pagsugod sa impeachment trial. Magpulipuli ang nagkalainlaing organisasyon aron makalahutay.
* * *
- Latest
