Pagkain para mapahusay ang memorya

1. Isda, mani at olive oil – Ang pagkain ng matatabang isda gaya ng sardinas, tuna, tamban, mackerel at salmon ay maaaring mapanatili ang ating memorya. Ang omega-3 fatty acids ay matatagpuan sa matatabang isda.

2. Madahon at berdeng gulay – Ang broccoli, kangkong, spinach, kamote, strawberry ay mayaman sa Vitamin C at E. Ang mga pagkain na naglalaman ng antioxidant ay maka­tutulong sa paglaban sa free radicals na maaaring sumira sa ating utak. Natuklasan na ang mga pagkaing mayaman sa Vitamin C at Vitamin E ay posibleng mabawasan ang panganib ng Alzheimer’s disease.

3. Pagkaing mataas sa flavonoids – Ang tea, man­sanas, orange, suha, repolyo, bawang, sibuyas, kamatis, peas at beans ay may flavonoids. Natuklasan sa isang pag-aaral na ang pagkain ng prutas at gulay ay makababawas sa pagkasira ng utak at pagka-ulyanin.

4. Curry powder at turmeric – Isang pangunahing sang­kap ng curry powder ay turmeric na naglalaman ng curcumin. Sa pag-aaral, natuklasan na ang curcumin ay isang mabisang anti-oxidant at anti-inflammatory. May pag-aaral na nagsasabi na posibleng mas gumana ang utak kapag madalas kumain nito.

5. Payo: Bawasan ang mga pagkaing mataas sa saturated fat, trans fat at cholesterol tulad ng taba ng karne, margarine at processed foods. Ang mga pagkaing maya­man sa asukal ay maaaring makadagdag sa panganib ng type 2 diabetes, isang kondisyon na maaaring magpalaki ng apat na beses ng panganib sa sakit na Alzheimer’s disease.