Desalination plant sa Cordova

Ang desalination plant sa Isla Mactan Cordova Corporation (giisip nga labing dako sa nasud) ma-operational na didto sa Cordova, by December karong tuiga, ‘benefiting,’ matud pa, ‘Cebuanos in the province.’ How?

Ilang hakuton ang tubig gikan sa planta paingon ngadto sa kalungsoran sa lalawigan? O, mokutay sila’g tubo o, hose ngadto sa Capitol, nga mao nay mopadan sa tubig paingon ngadto sa mga lungsod, o, ilang ibaligya ang tubig ngadto sa existing nga water companies nga nag-serve karon sa mga lungsod?

Hinuon, giingon dinhi nga, “his facility is expected to benefit Cebuanos in Metro Cebu especially in the town of Cordova.” So, Metro Cebu ra ug Cordova.

Ang facility anaa mahimutang sa 3.5-hectare nga luna sa mga Barangay Poblacion, Buagsong, ug  Catarman, mo-produce gikan sa 20-million liters ngadto sa expandable 50-million liters of potable water daily. Nindot.

Ang planta gitukod pinaagi sa Private-Public-Partnership ubos sa BOT, kon ‘Build-Operate-Transfer’ scheme.  Komusta na man tuod ang desalination project sa MCWD?

Gikan sa internet, adunay pangutana, is drinking desalinated water safe? Tubag: “Generally, yes. Desalinated water, provided that it's clean, is perfectly fine to drink, and a lot of it is already being consumed both in the United States and abroad.”

Apan, giingon usab dinhi nga “Desalination can make saltwater drinkable — but it won’t solve the U.S. water crisis.”

Laing pangutana: What are 3 negatives of desalination? Tubag: “Desalination has the potential to increase fossil fuel dependence, increase greenhouse gas emissions, and exacerbate climate change if renewable energy sources are not used for freshwater production (kahibawo ang taga-MCWD unsa ni).

Akong yano nga sabot nga dili maayo nga hangtud-sa-hangtod ang atong pag-depende sa desalinated nga tubig, kay among others, maka-exacerbate (makapasamot, maka-aggravate) sa climate change.

So, it seems nga ang desalinated water, mahulog nga temporaryo lang nga solusyon to the potable water crisis. Alang nako, dili kini maisip nga lasting substitute to fresh water.

Nganong dili man widely used ang desalinated water? Tubag: “Desalination plants are costly to operate, require enormous amounts of energy and are difficult to manage in an environmentally-friendly way, according to water policy experts.”

Kanang anaa sa Cordova, kinsa man ang muabaga sa dakong gasto pag-operate ug pag-maintain niini? Ang Cordova, o ang Capitol?

Sa pagkakaron, despite sa ka-dakong gasto pag-operate ug pag-maintain niini, ang pag-desalinate sa tubig sa dagat, mao pay nakita nga immediate solution to the world crises sa mainom nga tubig.

Pananglitan, ang Colorado River sa America, giingon nga dili na makahatag og igong supply sa tubig ngadto sa mga estado nga nagsalig niini.

Dunay duha ka solusyon: ang cloud seeding ug iceberg harvesting (tunayon tingali ang iceberg). Wala pa kapamatud-i nga makasulbad kini sa water crisis sa kalibotan.  Ang cloud seeding di gyud magsilbe dinhi sa ato, ug wa usab kitay iceberg dinhi.

Ang Colorado River flows for approximately 1,450 miles ug naghatag og tubig ngadto sa pito ka estado sa duha ka regions, upper ug lower basin, nga gilangkoban sa mga estado sa Colorado, New Mexico, Utah, Wyoming, Arizona, California, ug Nevada. Duna ba kitay sama ka dako sa Colorado River dinhi sa atong nasud?