Inactive ang bank account

Dear Atty. Divine,

Ang akong igsuon milarga sa abroad last year kay nagtrabaho na ngadto.

Ang iyang kontrata good for 3 years. Duna siyay  bank account ngari sa Pilipinas ug aduna kini substantial amount nga savings.

Ang akong pangutana kun pananglit dili makauli ang akong igsuon sa Pilipinas sud sa tulo ka tuig dili ba ma-close ang iyang bank account kun wa kini mga transactions?

Unsay among buhaton aron pagseguro nga dili ma-close iyang account? Daghang salamat.

Lorna

* * *

Dear Lorna,

Kun ang usa ka bank account way  activity sud sa pipila ka tuig makonsiderar kini nga inactive apan tungod sa online banking karong panahona, pwede ra mo-deposit ang imong igsuon sa maong bank account bisan kun tua siya sa gawas og pwede ra sab nga inyo kining deposituhan bisan once a year para dili mahimong inactive ang iyang bank account.

Kun inactive ang bank account, ang bangko mo deduct og charges every month sa imong deposito busa mas maayo nga inyo gyud kining deposituhan. Thank you and God bless.

Atty. Divine

* * *

Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.