Paricide ug ekonomiya

Gipasakaan na og kasong paricide sa Panglao, Bohol polis ang 15-anyos nga miunay sa pagpatay sa iyang kaugalingon nga inahan gamit ang martilyo tungod sa kasuko nga gikasab-an kini sa iyang inahan tungod sa kanunay nga pagpalta ug pag gawas sa klase. Sa balaud walay kriminal nga tulobagon ang nag-edad og 15-anyos nga makahimo og krimen. Apan sa mao gihapon nga balaud, ang nag-edad og lapas sa 15-anyos apan ubos sa 18-anyos aduna nay tulobagon nga krimenal kun makahimo og krimin kun aduna na siya sa saktong pagsabot dihang iyang nahimo ang krimin. Nakita sa mga polis nga nag imbestigar nga anaa sa saktong pagsabot ang 15-anyos dihang iyang gipatay ang iyang inahan. Ang paricide mao ang kaso nga ipasaka kun ang naghimo sa krimen ug ang biktima lehitimo nga anak o ginikanan, managsoon, magtiayon nga may balido nga kaminyoon, mga ginikanan sa magtiayon o lolo ug lola sa nakahimo sa krimen. Ang pagpatay sa 15-anyos sa iyang inahan usa ka buhing kamatuoran nga anaa na gayod sa saktong pagsabot ang anaa sa maong edad, gani kining edara makahimo naman gani og bata.

* * *

Gipanghambog ni Presidente Bongbong Marcos mas himsog pa ang ekonomiya sa Pilipinas kun ikomparar kini sa ubang nasud. Pinahiwi-hiwi pa ang baba sa Presidente dihang siya nanghambog. Makita ba nato dinhi nga himsog ang atong ekonomiya? Tulo ka milyon ang mga walay trabaho, P64 na ang katumbas sa usa ka dolyar, P19 trilyones na ang utang nga bayranan sa gobyerno sa Pilipinas kay ang administrasyong Marcos Jr. nagsige lang og pangotang. Kining P19 Trilyones nga utang wala pa kini labot sa P3.3 trilyones nga utangon na usab sa tuig 2027.

Hinumdumi ninyo nga ang National Expenditure Program sa tuig 2027 anaa sa P7.2 trilyones apan ang expected revenue collection anaa lamang sa P5.2 ka trilyon busa ang ipasabot niini mangutang napod ang adminumistrasyong Marcos. Walay mga magpapatigayon nga langyaw ang mibubo sa ilang puhonan dinhi sa nasud bisan pa man sa pagsige og laag sa Presidente ngadto sa laing kanasuran aron kuno pag-imbitar og mga investor, labi na sa iyang pagtanaw sa Grand Prix didto sa Singapore.

Nagilaid sa tumang kalisud ang mayorya sa katawhan sa nasud ug dili na hapit mapalit ang mga palaliton tungod sa ka mahal niini. Mao ba kini ang giingon sa Presidente nga himsog nga ekonomiya? Pag sure oi Mr. President. Ilara ang lolo nimong upaw.