Napakyas pagtuman sa kasabutan sa barangay

Dear Atty. Divine,

Duna koy pangutana labot sa among nasabutan sa barangay sa akong silingan nga nakautang nako. Nagkasabot mi sa barangay nga iya kong bayran sud sa duha ka buwan apan wa siya motuman sa among sabot. Ako siya gitawgan di na man siya makontak og wa na sab siya magpakita sa among lugar? Unsay angayan nako nga buhaton? Daghang salamat. -- Berta

* * *

Dear Berta,

Basi sa Local Government Code, ang amicable settlement o bisan unsang nasabutan sa barangay mamahimo kining final kun way mo-question niini ug mamahimo kining ipa enforce o ipatuman sa barangay pinaagi sa Lupon o sa Punong barangay within 6 months sukad nga inyo kining nasabutan. Kun sobra na sa 6 months, mamahimo mo kining ipa enforce sa court na mismo. Mamahimo sab nimong ipa-rescind  ang inyong nasabutan sa barangay og dayon mo-file ka og kasong collection of sum of money sa korte nga diin lakip sa imong pangayuon na ang damages. Thank you and God Bless! -- Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo