Pagpamalandong sa Malangkubong kaayohan

Ang tulo ka mga pamaagi sa impiyerno

(Gikan sa libro: His Time is Short: The Devil and His Agenda by Rev. Randall Paine, ORC)

 Ang bakakon

Nagasukad ang tanan sa paglikay o wala pagdawat sa kamatuoran nga sa sinugdanan ang tanan gibuhat man sa Dios nga maayo. Gihimo niya ang langit ug ang yuta (Gen. 1;1). Kabuhatan pinasikad sa kamatuoran nga anaa ang Dios luyo sa tanan nga atong nakita. Anaa siya sa tanang mga dapit. Dili kita makatago kaniya. Kanunay siyang mangita kanato.

Ang yawa nibiya sa kamatuoran. Malisud alang kaniya ang pagdawat nga dili siya ang Dios. Apan pabilin siyang nagtuo ug nagpatuo nga labaw pa siya sa Dios. Mao nga hangtud karong mga panahona nagpabilin ang iyang kabakakon. Nagpabilin ang iyang paggiya sa mga tawo diha sa bakak.

Sa atong konteksto ug kultura sa makadaghang higayon atong gituohan nga yawan-ong bakak. Sa unsa mang paagi?

1. Una, diha sa mga depektosong sukaranan sa moralidad sama ning mosunod:

a. Relativism-Ang tanang buhat o lihok mag-agad sa gusto sa naglihok.

b. Hedonism-Ang bisan unsang lami maoy maayo.

c. Utilitarianism-Kun unsay mapuslan maayo ang walay pulos walay ayo.

2. Ikaduha, ang balansayon sa kakaraanan sama sa paghalad diha sa mga uma alang sa mga engkantohanon ug mga Espiritu sa kinaiyahan. Ang paghimo sa ingon usa man ka paagi sa pagsugnod sa ilusyon sa yawa nga siya angayang simbahon ug alagaran.

Sa sinugdanan pa lang daan ang yawa bakakon na ug prinsipe siya sa tanang mga bakak. Dili maayo nga makigkukabildo ug makgisabot kaniya tungod kay ang tanang mga matam-is nga pulong nga mogawas gikan ni bisan kinsang hinanib sa kangitngit, makahilo man ug makapatay ni bisan kinsang mosalig.