Anaa sa pagpasaylo ang kagawasan

Maayong Balita

Pinaagi og sambingay gisaysay ni Jesus ang dakong kinahanglanon aron mohatag ang si bisan kinsa og pagpasaylo.

Pagpasaylo aron mamahimong gawasnon ang si bisan kinsa nga nahimong nabilanggo gumikan sa iyang naghinobrang kaligotgot ug pagdumot sa mga tawo nga nakapasakit niya sa bisan unsang paagi. Dugang pa, dunay mga tawo nga human unta mahatagi og igong pabor aron pasayloon sa Dios ang dili man hinuon maantigong mobalos sa maong pabor pinaagi sa pagpasaylo kanila nga nakasala.

Dunay untangan og milyon  ka pisos apan gumikan sa kaluoy sa agalon gipapas ang tanang utang ug wala siya mabaligya ingon nga ulipon.

Apan sa dihang nakita niya ang laing kaubang sulugoon nga utangan lamang niya og pipila  ka pisos, iya man hinuon ning gipabilanggo hangtud nga makabayad sa inutang.

Butang nga nakapasuko sa agalon ug busa gipahiagom usab siya sa gidangatan sa iyang kaubang sulugoon.

Kasinatian

To err is human to forgive is divine matud pa nila. Apan dili baya lalim ang pagpasaylo.

Nagkinahanglan kini og grasya. Nagkinahanglan kini og pag-ampo aron makab-ot ang usa ka matinud-anong kasinatian sa kapasayloan aron mamahimong magmalinawon ang tanlag sa usag usa.

Apan atong hinumdoman nga ang pagpasaylo wala man magpasabot og pakighiuli. Managlahi kining mga butanga.

Kun buot nimong magpuyo sa kinabuhing malinawon kinahanglang ihatag mo ang imong pasaylo. Dili tungod sa tawo nga kanimo nakasala kondili tungod nimong nag-antos nga padayong giabat sa maong anino.

Lihok

1. Karong semanaha ilista ang mga tawo nga nakapasakit nimo ingon man ang mga tawo nga imong napasakitan. Dad silang tanan sa imong pag-ampo.

2. Kun dunay kahigayonan kumpisal sa imong mga sala.

Pangamuyo

Tanan: Salamat Ginoo sa imong pasaylo. Masalaypon kami apan bisan pa man niini imo gihapong nakita ang among Bili. Unta makahatag usab kami sa pasaylo ngadto sa uban sama ng kami imong gihatagan og kahigayonan sa pagbag-o. Amen.