Katekesis no. 101 Puasa
Pagpamalandong sa Malangkubong kaayohan
Binasi: Mt. 9;14-15
Ang puasa usa ka balansayon sulod na hataas nga panahon. bisan kinsang relihiyon ang nagbuhat man niini, bisan asang dapita anaa man kini.
Dunay mga rason nganong kinahanglang magpuasa ang tawo. Naglangkob kini ning mosunod:
1.Medical nga rason: Labina kun kinahanglang magpuasa sa dili pa ang check up sama sa FBS ug uban pa.
2.Spiritual
a.Labina kun duna kitay pangayoon nga mahinungdanon.
Sama sa gihimo ni David sa dihang giingnan siya ni Matan ang propeta nga mamatay ang ilang anak sa asawa ni Urias nga usa sa iyang mga sakop. Nagpuasa siya, nagbulibod og abo sa iyang ulo, ug nagbisti og sako.
b.Paghinulsol sama sa gihimo sa mga taga Ninive. Human nila madungog ang wali ni Propeta Jonas gikan sa hari ngadto sa kahayopan ang nagpuasa. Butang nga nakapalukmay sa Dios nga tungod niini wala mahinayon ang paglaglag kanila.
c.Pagpangandam alang sa mas dako nga Misyon. Ang Ginoong Jesus sa wala pa siya magsugod ang nihimo man og seklusiyon sulod sa kap-atan ka adlaw ug gabii. Wala siya mokaon ni moinom.
d.Aron pitolon ang atong lawasnong kahilig. Kay usahay ang atong lawasnong kahilig maoy hinungdan usahay kun nganong nahimong pasagad ang atong panaw.
Ning panahon sa kwaresma unta atong pitolon ang atong mga sentido.
Kay mag-unsa man diay ang atong mapasagarong kinabuhi kun sa kaulahian kita mapukan?
- Latest
