Child support
Duna koy pangutana labot sa support nga akong gihatag sa akong illegitimate child.
Naghatag ko niya og P15,000 per month, but lately, nawad-an ko og trabaho kay na close ang among company.
Tungod niini, plano unta nako nga i-reduce una ang akong monthly support sa bata hangtud sa makakita ko pagbalik og trabaho, ang akong pangutana kun pwede ba ni nako nga buhaton?
Dili ba ko makiha sa inahan kun akong i-reduce ang monthly support? Daghang salamat. — Leo
* * *
Dear Leo,
Basi sa Article 202 sa atong Family Code, mamahimong ma increase or ma reduce ang financial support sa bata depende sa financial need sa bata o sa resources sa amahan nga naghatag sa support.
Sa imo nga kaso, nawad-an ka og trabaho ug kasamtangan pa ka nga nangita og laing katrabahuan busa justifiable ra sad ang imong plano nga i-reduce una ang amount sa support nga imong ihatag.
Apan mas maayo nga imong pasabton ang inahan sa bata labot sa imong sitwasyon karon kay di man sab siya kapugos nimo sa paghatag sa naandan nga amount kun nagkalisud gyud ka sa pagkakaron busa wa sab siyay basis to file a case against you gumikan sa imong sitwasyon.
Imo lang unya nga ibalik ang naandan nga amount kun makakita na ikaw og trabaho. Thanks and God bless.
Atty. Divine
* * *
Alang sa inyong pangutana, palihug lang sa pag email sa flores_ [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
