Mihimakak sa ilang nasabutan sa pagpalit sa yuta

Dear Atty. Divine,

Ang akong amiga dunay yuta ug iya kining  gitanyag  nako kay gusto niyang ibaligya. Miuyon ko nga akong paliton iyang yuta ug mibayad  ko og katunga. Human niini, iyang gi-turnover nako ang possession sa yuta  ug ako kining gipatukuran og balay sa akong anak. Nagsabot mi nga magpirmahanay mi og Deed of Absolute  Sale ini’g bayad nako in full sa property. Last week ako siyang gipahibawo nga ako nang bayran in full ug magpirmahanay na mi sa Deed of Absolute Sale apan karon mi-deny na man siya nga nagsabot mi nga paliton nako iyang yuta kay wa daw mi pinirmahan. So nagpa-annotate ko og Adverse Claim sa Register of Deeds. Ang akong pangutana kun unsaon man nako pagprobar sa among sabot nga verbal ra man kini ug wa mi pinirmahan? Daghang salamat.  —Lito

Dear Lito,

Basi sa imong asoy, ikaw ug ang imong amiga adunay kasabutan nga gitawag og Contract to Sell. Basi sa atong balaod, ang matag habig obligado nga motuman sa kontrata bisan kun unsay porma niini  basta ang tanang rekisitos natuman niini alang sa iyang validity basi sa Art. 1356 sa atong New Civil Code. Ang kontrata makonsiderar nga valid kun dunay: 1) Consent  of the contracting parties; 2. Object certain  which is the subject matter of the contract; 3) cause of the obligation , which is established ( Art. 1318). Kining tulo ka rekisitos  present sa imong kaso. Gawas pa niini, ang imong pagbayad og partial sa property , ang imong pag take possession sa property ug ang imong pagpa annotate og adverse claim,  usa na kana sa mga pruweba nga duna moy oral contract to sell. Apan kun di gyud siya mopirma sa Deed of Absolute Sale then mas maayo nga modangop nalang ka sa korte to settle the issue. Thanks and God bless. —Atty. Divine

Alang sa inyong pangutana ipadala lang sa Legal  Corner  sa Banat  News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.