Mag-unsa ta kun magbaha

Atong hisgotan ang nagkalainlaing hinungdan sa sunog. Ang nag-una mao g’yud ang electrical misuse kon paggamit og subra nga kuryente unya gagmay ang alambre, gakataykatay ang gipangsaksak nga plug sa extention wires.

Gisundan sa “unattended cooking” kon kadanghag sa pagluto og pagkaon kay gibiyaan man kini o kaha nalimtan ang iyang giluto.

Dayon ang “unattended lighted candles”  ug mga lamparilya nga wala mapalong sa dayon na nga katulog unya malanay ug matumba nga nagsiga pa.

Mag-amping g’yud unta aron hingpit kita nga luwas sa sunog. Sa pikas bahin nakasinati na usab kita og grabe nga baha niadtong miaging mga adlaw.

Mga tulo ka oras nga pagbunok sa ulan. Unsa may posible nga mahitabo kun makasinati kita og baha? Una nga mangabasa g’yud ang atong electrical appliances  ug uban pa nga mga gamit sa atong panimalay.

Kay lagi basa man ang atong mga dekuryente nga appliances dako kaayo ang posibilidad nga duna na kini depekto o kadaot.

Kun mahitabo man gani nga mabasa sa baha ang inyong mga appliances kinahanglan nga inyo kining paughon ug ayaw dayon kini gamita kay posible nga kini moboto kay grounded.

Labing maayo og inyo usa ipahiling og technician. Dako pud ang posibilidad nga nabasa ang atong mga outlet kon saksakanan sa dekuryente nga appliances.

Dako ug taas kaayo ang posibilidad nga ma kuryentehan ang mga tawo nga anaa sulod sa panimalay nga nabahaan.

Unsa may angay himoon? Labing maayo nga kun sa inyong tan-aw posible nga mobaha, pagnga ang inyong plangka o circuit breaker aron hingpit kamong luwas sa sunog ug sa pagka kuryente.

Mas maayo nga may bisan gamay lang kita nga ideya nga nakuha kun unsay buhaton panahon sa baha aron mahimong luwas kita sa disgrasya.