EDITORIAL - Ang hagit ni Rama sa taga Portugal

Dakong  dungog  sa taga  Portugal  ang  pakiglambigit  niini sa  mga  proyekto  sa Sugbo ilabi  na  ang  mga  butang  nga  may  labot  sa relihiyon.

Gani  natawo kining  maong  hunahuna  sa alimpatakan  ni  Mayor  Rama  kinsa  mitahas  sa kagamhanan  sa Portugal  nga  maoy  mopaayo  sa  mga  liki  ug  uban  pang  buak  sa Kiosko  ni  Magellan  nga  nahimutangan  sa Magellan’s Cross    sa  atbang  sa  Cebu City Hall.

Nalantaw  sa mayor  nga  dako kaayo  og  kaakohan  ang  Portugal  sa  mga  Filipino  ilabi  na  sa  mga Sugboanon  sanglit  sila  ang  nagtudlo  niini  og  relihiyon.

Ang  pagduaw  ni  Magellan  ug  kaubanan  sa Pilipinas   nganhi  sa Cebu niadtong  tuig l521 nagsangyaw  sa relihiyon  sa  mga  Katsila  nga  gidawat  usab  dayon  sa  mga  Filipino.

Kadtong  misupak  sa  mga  Katsila, gipamatay  ug  usa  niini mao  si Dr. Jose  Rizal.

Kini  tungod  kay  sa maong  panahon  labaw pa sa martial  law  ang balaod  nga  gipatuman  dinhi  sa Pilipinas.

Gumikan  sa kahigpit  sa  mga  pari  nga  Katsila, daghan  ang  mi-rebelde  apan  kadtong  nasakpan  nga  mi-alkontra sa  gobiyerno   gipriso  ug  gipatay.

Nahuwasan  ang  Pilipinas  dihang  miabot  ang  mga  Amerkano  ug  mihatag  og  kagawasan  sa  mga  Filipino  ug daghang  nakaginhawa  og  luag  dihang  gipasagdan  sila  sa pagpangita  sa tinuod  nga  relihiyon.

 Busa  ang  Pilipinas  ug  Portugal angay  nga  magsuod  pag-ayo.