Biktima sa Yolanda giampo sa Santo Papa

Gipadayag ni Pope Francis ang iyang mga pag-ampo ngadto sa mga biktima sa bagyong Yolanda dinhi sa Pilipinas sa gipahigayon nga seremonyas nga gipahinungod kang San Pedro Calungsod nga gipahigayon sa St. Peter’s Basilica  sa Vatican.

Gitambongan ang maong seremonyas ni Cardinal Luis Tagle nga maoy arsobispo sa Manila nakiglambigit sa pagpaninguha sa paghatag og hinabang sa mga biktima sa bagyong Yolanda nga mikalas na og kapin sa 5,000 ka mga tawo ug 4.4 milyones ka pamilya ang nawad-an sa ilang pinuy-anan.

Ang bagyong Yolanda nga mikusokuso sa mga dapit sa lalawigan sa Leyte ug amihanang bahin sa lalawigan sa Sugbo maoy ikaduha sa 7.2 magnitude nga linog nga nagbilin usab og kadaut sa lalawigan sa Bohol ug Sugbo nga mikalas usab og daghang kinabuhi.

“I have been close to your people, “ pamahayag pa sa Santo Papa. “I have seen how great the pain has been but also how strong the people have been, ” ni Pope Francis pa sa iyang pamahayag.

“Faith emerged from the ruins, it came from solidarity in the moment of hardship,” dugang pa niya.

“In the moment of hardship, we ask why some things happen. In those moments of suffering, questioning prayers that do  not ask for explanations but beg the Lord to accompany us are the most useful,” nagkanayon ang Santo Papa.

Sa nasayran nga si San Pedro Calungsod  nga usa  ka Sugbuanon nga nahimong martyr niadtong 17 century sa panuigon pa nga 17 anyos ang nahimong santos pinaagi usab kang  Pope Benedict XVI nga maoy iyang gihulipan sa miaging tuig.

Si San Pedro Calungsod maoy nahimong ikaduhang Santos sa nasud nga Pilipinhon sa panahon usab ni Benedict XVI  nga gipahigayon niadto lamang sa miaging tuig diin kapin sa 90 porsiyento sa iyang katawhan mga Katoliko.

Sa gituohan sa atong kadagkoan sa simbahang  Katoliko nga usa ka batan-ong Sugboanon nga si  Pedro Calungsod maoy usa sa mga kuyog sa mga misyonaryo nga nahidangat sa isla sa Guam sa tuig 1672 diin usab iyang nasinati ang makapitbi sa atong galamhan  nga kamatayon gikan sa mga kamot sa mga lumad nga molupyo sa maong dapit.