Mga hinungdan kun nganong mogamit og ginadiling drugas ang batan-on

3. Ang Peer Pressure

Bisan pa man kun nahimong ni level-up kita sa teknolohikal nga aspeto apan daghan kanato ang nahimong kabus ra kaayo labina sa paghimo og mga personal nga mga baruganan ug desisyon. Atong gitugotan ang ubang tawo o dili ba kaha ang katilingban sa kinabag-anang mohimo og desisyon alang kanato. Gikan sa pamiste ngadto na sa mga sakyanan nga atong gamiton matag adlaw.

Buot natong masunod sa uso. Sa laktod pamati nato nga kita nahimong nagapus sa matang sa pagkinabuhi nga gisubay sa uban. Kini usab ang nahitabo sa batan-on. Gawas nga nagkinahanglan siya og pagdawat gikan sa uban o sa grupo buot pud niyang mouban sa uso nga tungod niini ang peer pressure nagtukmod kaniya nga mouyon sa mayoriya bisan pa man kun kini nagkahulogan og kadaut alang kaniya.

Dili niya buot nga mamahimong deviant gikan sa mga tipo sa pagkinabuhi sa uban. Kay dili man niya buot na mamahimong outcast sa uban, mahinungdanon alang kaniya ang pag-uyon sa desisyon nga gilatid sa kadaghanan.

Kun kadaghanan nag drugas walay igong rason alang kaniya nga dili mogamit niini. Apan ang bandang Missing Felimon nipahinumdom kanato: “Likayi ang dalan nga gilaktan sa uban!” Sa laktod mas maayo nga imong i-express ang imong uniqueness.