Kuwang budget

Matud sa headline: “Not enough funds for SK, barangay polls.”

Kuwang ra kuno ang pundo sa Comelec alang sa Sangguniang Kabataan ug barangay eleksiyons nga gitakdang ipahigayon karong Oktubre.

Busa mihangyo ang Comelec sa mga barangay sa pagtabang sa gastuhanan.

* * *

Di ba mahimo patabangon sab ang mga kongresista ug mga senador?

Pitch in lang gud gamay gikan sa ilang tagaliog nga pork barrel.

Total panahon sa piniliay nasyonal mopatabang man sad sila sa mga tagabaryo nga paluyohan ang ilang kandidatura ug kandidatura sad sa ilang ka-dinastiya.

* * *

Ang Comelec nagkinahanglan og P3.45 bilyones alang sa SK/brgy eleksiyon ning umaabot nga Oktubre 28, apan gibadyetan ra kini og P1.75 bilyones.

Aron matubag gayud sa Comelec ang kompletong panginahanglan sa umaabot nga piniliay, nagkinahanglan kini og dugang budget nga P2,274,902,000.

* * *

Naay mga sektor sa katilingban nga gusto nang abolison ang SK ug ang eleksyon niini.

Daghang rasones ang mga anti-SK, pipila niini mao nga gasto kuno kaayo ni ug nahimo na kuno ni nga balwarte sa mga politiko.

Apan mura mag way naminaw sa mga awhag nga abolison ang SK.

* * *

TRIVIA. Happy birthday ngadto ni Salome Divinagracia diha sa Beverly Hills; kang Divine Sanchez Ngujo, usa sa pipila sa mga original staffers ni Banat News; ug kang Dr. Gemma Amabiles. God bless you all. Salamat sa padayon nga  suporta sa Banat News sa atong mga readers diha sa Ingles-Banawa-Guadalupe area.